XX. mendeko Euskararen Corpus estatistikoa

Testuingurua

Zer dakar askatasun sindikalak? Esan dugu: askatasun sindikala Estatuaren Konstituzioak onharturik, herritar bakoitzaren, eta batikpat soldata baten mende dagoen langile baten askatasuna da, berak nahi duen sindikatoan kidetzeko edo ez kidetzeko.

Edo beste berri bat sortzeko.

Herritarren askatasun honek bi zuztar ditu: - Langileen askatasuna, bere interes sozialak eta ekonomiakoak, elkarturik defenditzeko.

Gizarte ekonomikoak beste bi alderdi ere baditu: entrepresariak eta Estatua.

Elkarturik, langileak, nolabait beste bi adar hauen indarra berdinduko dute.

- Batere arrazoirik gabe, langileen izeneko elkarte batek, eta hauen izenean besteak zapaltzeko arriskua kentzearren defenditu egin behar da.

Ikusia dago, beraz eta beste behin esan dezagun, askatasun sindikala errejimen demokratikoen erro erroan dago.

Demokrazi hauetan, sindikatoen arteko har-emanak nahi dituzten legeak, erabat, beste inork zerikusirik ez daukala, bere eskuetan bakarrik daude.

Salbuespen bat sarritan: bere organizazioak ez dezala inolaz ere indarkerian erortzeko, besteak zapaltzeko, aitzaki biderik eman.

Italian eta Alemaniako Errepublika Federalean, Konstituzioak horrela agintzen du.

Frantzian ere, horixe bera agintzen du Araudi zibilak.

Noski, ez dezagun ahaztu, hiru Estatu hauek demokratiko ez ziren sindikatoen eskarmentua daukatela;(...).